ပျူ​ခေတ်​အုပ်​ခွက်​ဘုရား

သရေခေတ္တရာမင်းကြီး ဒွတ္တဘောင်ရဲ့ သာသနာပြုရာ
နယ်မြေဖြစ်တဲ့ မြန်မာနိုင်ငံ တောင်ပိုင်းကမ်းရိုးတန်းဒေသ
တွံတေးတောကြီးတန်းတစ်နေရာကနေ ၂၀၁၄ ခုနှစ်က
ရရှိခဲ့တဲ့ ပျူခေတ်အုတ်ခွက်ဘုရားတစ်ဆူဖြစ်ပါတယ်။

သရေခေတ္တရာရာဇ၀င်မှာ ဒွတ္တဘောင်မင်းကြီးဟာ နဂါးကြေးခွံလှေကြီးနဲ့ တောင်ပိုင်းကမ်းရိုးတန်းတလျှောက်
တိုင်းခန်းလှည့်လည်ကြောင်း၊ ရွှေတိဂုံဘုရားကြီးကို
ပြန်လည်ပြုပြင်ကာ ဘုရားဒကာတစ်ဦးအဖြစ် ခံယူတော်
မူကြောင်း၊ ရွှေတိဂုံဘုရားသမိုင်းပေမူတွင်လည်း
ရွှေတိဂုံစေတီတော်မြတ်ကို သရေခေတ္တရာမင်းကြီး
ဒွတ္တဘောင်က ပြန်လည်ပြုပြင်ကြောင်း ဖော်ပြထား
ပါတယ်။

တောင်ပိုင်းကမ်းရိုးတန်းတလျှောက်မှာ ပျူယဉ်ကျေးမှု
နယ်မြေတွေ လက်ညှိုးထိုးမလွဲ ရှိနေတဲ့အချက်နဲ့ အနှစ်
၂ထောင်ကျော်ပြီဖြစ်တဲ့ ဆံတော်ကြိုစေတီများကို ယနေ့တိုင်
တွေ့ရှိနေရဆဲဖြစ်ပါတယ်။ ပျူခေတ်စာအက္ခရာ ရေးထိုးထားတဲ့
စဉ့်ထည်ပေါင်း ရာ၊ ထောင်ချီပြီးတော့လည်း ရှာဖွေတွေ့ရှိ
ထားရာ တန်ဖိုးမဖြတ်နိုင်တဲ့ ပျူခေတ်ယဉ်ကျေးမှုနယ်မြေ
တစ်ခုဖြစ်ပါတယ်။

ဖော်ပြပါအုတ်ခွက်ဘုရား အောက်ခြေပလ္လင်မှာတော့
လှူဒါန်းသူအလှူရှင်က အလှူတော်အတွက်ကောင်းမှု
ကိုဖော်ပြခဲ့တယ်လို့ ယူဆရပါတယ်။ ခေတ်အက္ခရာ
လှယ်ပြီးနောက် ယခုလိုတွေ့ရှိရပါတယ်။

ယံ          - ယင်း
ဗံး          - မြတ်သော
ဂေါ        - ဂေါတမ
ဗူဒ        - ဗုဒ္ဓ
တြေး     - ကျေးကျွန်
ဝေ        - ဝေငှ (သို့) လူအမည်

*ထို မြတ်သောဂေါတမဗုဒ္ဓ မြတ်စွာဘုရားထံသို့
ဗုဒ္ဓ၏ကျေးကျွန်တစ်ဦးဖြစ်သူ (ဝေ .....)မှ လှူဒါန်းကြောင်း*

ရေးထိုးမှတ်တမ်းတင်ခဲ့တာဖြစ်တယ်လို့ ယူဆရပါတယ်။
အုတ်ခွက်စာပါ ပျူခေတ်စာအက္ခရာအရေးအသားရှိ
*ယံ ၊ ဗူဒ* အရေးအသားအသုံးအနှုန်းဟာ မြစေတီ (ခေါ်)
ဂူပြောက်ကြီးကျောက်စာမှာ တွေ့ရှိရတဲ့အသုံးအနှုန်း
ဖြစ်ပါတယ်။ *တြေး*(ကျေးကျွန်)ဆိုတဲ့အသုံးအနှုန်းကတော့
ပုဂံခေတ်ထိုး ရှေးဗမာ့ကျောက်စာတွေမှာ အသုံးများတာကို
တွေ့ရှိရပါတယ်။

(မိတ်ဆွေအများ လေ့လာရင်းဖြင့် အသိပညာတိုးတက်
ကြပါစေ)

By Thant Lwin Oo