အမျိုးဘာသာ​စောင့်​​ရှောက်​​ရေး

မနေ့က Nay Lin Aung ရဲ့ ပို့စ်တစ်ခုမှာ ၀င်ရောက်ဆွေးနွေးတဲ့သုတေသန ဆရာ ဆိုသူတစ်ဦးရဲ့ ထင်မြင်ချက်ကို အခြေခံကျကျ
ဝေဖန်သုံးသပ်ပြတာဖြစ်ပါတယ်။

အဆိုပါဆရာဟာ မြစေတီကျောက်စာ (ခေါ်) ဂူပြောက်ကြီးကျောက်စာပါ စတုတ္ထမျက်နှာကို မြန်မာနဲ့မတူသော ပျူစာလို့ ရည်ရွယ်သုံးသပ်
ပြီးနောက် သူ့အမြင်ကို တင်ပြသွားတာဖြစ်ပါတယ်။ နေလင်းအောင်ကိုအားနာလို့ အဆိုပါဆရာအမည်
ကို ထည့်မရေးတော့ပါဘူး။

သို့သော် ဘာသာဗေဒပါရဂူတစ်ဦးသဘောနဲ့သာ ပြောဆိုသွားခဲ့သူက သူ့စာထဲမှာပဲ ပျူဘက် အခြမ်းမှာတော့ ဒီလိုရေးထားတယ်။အဲ့ဒီအတိုင်း မြန်မာဘက်မှာ ဒီလိုရေးထားလို့ မြန်မာစာနဲ့ (သူ့အခေါ်)ပျူစာ မတူပါလို့ ဆိုပါတယ်။ တစ်ဖန် အက္ခရာပညာရှင် ဆရာကြီးဦးသာမြတ်၊ ဘာသာဗေဒ ပါရဂူ စီအိုဗလက်ဒင်တို့ သက်ရှိထင်ရှားရှိ နေစဉ် ကာလဆိုရင်တောင် သူ့အယူအဆဟာ မတူကြောင်း နဲ့ဆရာကြီးဦးသာမြတ်တို့ အမှားတွေရေးခဲ့သယောင် ဆိုပါတယ်။

သုတေသနအမည်ခံရင် ဒီလိုလေဖမ်းဒန်းစီးပြီး မျက်မမြင်ဆင်စမ်းပြောလို့မရပါဘူး။ ကိုယ်ပိုင်သုတေသန၊ ကိုယ်ပိုင်အမြင်၊ ကိုယ်ပိုင်
အတည်ပြုချက်နဲ့ ပညာရှင်များရှေ့ စစ်ဆေးခ့အတည်ပြုနိုင်ရပါမယ်။
ဒါဟာ သုတေသန စံ/နည်း/လုပ်ထုံး ဖြစ်ပါတယ်။

ဂူပြောက်ကြီးကျောက်စာ စတုတ္ထမျက်နှာမှာ ပါဠိသက်နဲ့ သက္ကဋသက်
အနည်းငယ်ကို ဖယ်ပြီးနောက် တွေ့ရတယ်လို့ ဆရာကြီးဦးသာမြတ်၊
ဆရာကြီး ဦးကျော်ဇင်(ဘုန်းတင့်ကျော်)တို့ ကိုယ်ပိုင်သုတေသနပြု
ထုတ်နုတ်တင်ပြထားတဲ့

*နှိ (နှစ်) ၊ င (ငါး) ၊ ခြော (ခြောက်) ၊ က္နိ (ခုနှစ်) ၊ ရှံ (ရှစ်) ၊ သ္နိ (သစ်နှစ်) ၊ တိမ်း (တိမ်းပါးကွယ်လွန်သည်) ၊ ရုပ်ကြေး (ရုပ်ကြွင်း) ၊ သား ၊ မယား ၊ ဗ္လိ (မြေး) ၊ တိုင်း ၊ ပြိ (ပြည်) ၊ ရော (ရွော=ရွာ) ၊ မြ ၊ ပံ့ ၊ ပေး ၊ မဒိံ(မုဒိမ်း) ၊ညှိဆဲ (ညှင်းဆဲ) ၊ မိဘိသည် (မည်ဘိသည်)၊ ဘိသိဥမိ (ဘိသိက်အမည်) ၊ ယံဗံးမယးဥသး (ယင်းမြတ်မယား၏သား) ၊ ဗံးမယးဥသးရာဇဂုမဥဠံ
(မြတ်မယား၏သား ရာဇကုမာအထံ) ၊ ဎေါ်ဗံးမယး (ထိုမြတ်မယား) ၊ ဎေါ်တဏးတောဥ ကျေးမြေား (ထိုထိပ်တင်တော်၏ကျေးဇူး) ၊ ဎေါ်ဗံးဗူဓဥဆးဗော် (ထိုမြတ်ဗုဒ္ဓ၏အဆင်းပုံ) ၊ ဂေါဥလှော်ဗိးသံရေား (ထိုဂူအား လှူပြီးသရောခါ) ၊ ယံဂေါ်ဗူဓဥဋ္ဌံ (ယင်းဂူဗုဒ္ဓအထံ) ၊ ဂိသးဠေဂီပြိဠေ (ငါ့သားလေး ငါ့မြေးလေး) ၊ ယံတိပြိရိမဓနဗူဥမိဘိသိ (ယင်းတိုင်း ပြည် အရိမဒ္ဒနပူရဟု မည်ဘိသည်) ၊ ယံဗံးဗူဓအရိမေဒေဒံဗး (ယင်းမြတ်ဗုဒ္ဓ
အရိမေတေယျထံပါး) ၊ ပံးစေဆေား (ပေးစေသော) ၊ ခြောရ (ခြောက်ရာ) ၊ယံ (ယင်း) ၊ နု (နည်း) ၊ ပံးစေနတိံပံ(းဠ)ပ (ပေးစေနည်းတိုင်း ပေးလှည့်ပါ) ၊ မတားငူးဗူး (မတားငဲ့မူ)၊ မပံးစေဆေား (မပေးစေသောဝ်) ၊ ဟိဥမ္တုတဠု (ဟိဥမတုလု-သေအမ့် မတော့လု) ၊ ယံတြးတိ မတုကုံးဒူ (ယင်းတရားအတိုင်း မတုကန်တုံ့) ၊ ရော (သရော်၊ ရှေးသရော)*

စတဲ့ သံဝဲမြန်မာဝေါဟာရတွေကို အဆိုပါပုဂ္ဂိုလ်အနေနဲ့ မြန်မာဝေါဟာရ
မဟုတ်ဟု ဆိုလျှင် ကိုယ်ပိုင်သုတေသနအမြင်နဲ့ တစ်လုံးချင်း၊ စကားစု
တစ်စုချင်း ဘာသာပြန် ဆွဲထုတ်ပြဖို့ လိုပါလိမ့်မယ်။

ဒီစကားစုတွေဟာမြန်မာဝေါဟာရ၊ မြန်မာစကားစစ်စစ်ဖြစ်ကြောင်း
သုတေသနပြု သုံးသပ်ခဲ့တဲ့ မြန်မာပဏ္ဍိတ် အက္ခရာပညာရှင် ဆရာကြီး ဦးသာမြတ်က မြန်မာစာ၊ မြန်မာအက္ခရာသည် ပျူကနေဆင်းသက်လာခြင်း
ဖြစ်ကြောင်း အတည်ပြုခဲ့သလို၊ ဦးစွာပထမလေ့လာခဲ့တဲ့ ဘာသာဗေဒပါရဂူ
စီအို ဗလက်ဒင်ကိုယ်တိုင်ကလဲ ရှေးဟောင်းသုတေသနရုံး(ယခင်ကျောက်စာ
ရုံး) ကို ၁၄.၇.၁၉၁၁ မှာပေးထားတဲ့ ဖိုင်နံပါတ်(၃၀၊ ဂျေ-အေ) အစီရင်ခံစာမှာ
*ပျူဘာသာစကားကို မွန်ခမာဘာသာစကားအုပ်စုမှာ လုံးဝမထည့်သွင်းနိုင်ကြောင်း၊ မြစေတီကျောက်စာ စတုတ္ထမျက်နှာမှာ မြန်မာဝေါဟာရ မြောက်
များစွာတွေ့ရကြောင်း၊ ထို့ကြောင့် မြန်မာဘာသာစကားနဲ့ ပျူဘာသာစကား
ဟာ အလှမ်းဝေးသောညီအစ်ကိုတော်စပ်ကြောင်း* ဖော်ပြထားတဲ့အတွက်အဲ့ဒီဖိုင်နံပါတ်အတိုင်း အဲ့ဒီစာထဲမှာ အဲ့ဒီအတိုင်းရေးထား မထား သုတေ
သနသမားကောင်းပီပီ လေ့လာရန်လိုပါတယ်။ ပြီးရင်တော့ဖြင့် ဦးသာမြတ်အပါအ၀င် အက္ခရာပညာရှင်များ၊ ဘာသာဗေဒပါရဂူများ မှားယွင်းကောက်ချက် ချခြင်းဖြစ်ကြောင်း ကိုယ်ပိုင်သုတေသနနဲ့ တင်ပြရမှာဖြစ်ပါတယ်။
ပညာရှင်ပေါင်းများစွာရဲ့ မေးခွန်းကို ကျော်ဖြတ်ပြနိုင်ရပါမယ်။

ယင်းနောက် အဆိုပါဆရာက ရိုးသားစွာဝန်ခံ ထားတာရှိပါတယ်။ သူဟာတရုတ်မှတ်တမ်းများကို လေ့လာမှုအားနည်းကြောင်း ရိုးသားစွာဝန်ခံထား
ပါတယ်။ အဆိုပါစကားအရ သူသည် ပျူနှင့်မြန်မာ မတူဆိုတဲ့ ဂျီအိပ်ခ်ျလုစ်ရေးခဲ့တဲ့ လုပ်ကြံသမိုင်းကို နားယောင်ပြီး မတူ မတူ မတူ ဆိုတဲ့စိတ်နဲ့
လေ့လာနေတဲ့သဘောသက်ရောက်ပါတယ်။

သရေခေတ္တရာ၊ ဗိဿနိုး၊ ဟန်လင်း စတဲ့မြို့ဟောင်းကြီးများရဲ့အတိတ်ဖြစ်ရပ်
သမိုင်းကို မည်သည့်ရာဇ၀င်များက ညွှန်းဆိုပါသလဲဆိုတဲ့မေးခွန်းကို ဖြေဆို
ဖို့ လိုလာပါတယ်။ ဒီမြို့ဟောင်းကြီးတွေရဲ့သမိုင်းကို မည်သည့် ရှမ်းရာဇ၀င်၊
မွန်ရာဇ၀င်ကမှ ပြဆိုခြင်းမရှိ၊ ယင်းမြို့ဟောင်းကြီးများသမိုင်းကို မြန်မာ့ရာဇ၀င်
များကသာ ပြဆိုနိုင်ခြင်းသည်လည်းကောင်း၊ မြန်မာ့ရာဇ၀င်အစောင်စောင်မှာ
သရေခေတ္တရာ၊ ဟန်လင်း၊ ဗိဿနိုး မြို့ကြီးများ တည်ထောင်ခဲ့တဲ့ လူမျိုးကို မြန်မာ
နှင့်မတူသော ပျူလူမျိုးလို့ ညွှန်းဆိုပြသခြင်းမရှိတာကို အဆိုပါဆရာအနေနဲ့
သတိပြုသင့်ပါတယ်။

*သရေခေတ္တရာပျက်ဆဲအခါ၌ လျှင်မြန်သန်မာသော ပျူအချင်းချင်းကို မြန်မာဟုခေါ်သည်*

*ပျူစစ်လျှင်မြန်မာ*

*မြန်မာဟူသည် ပျူ့သား ပျူ့မြေး* ဆိုတဲ့ ရှေးရာဇ၀င် ဆိုစကားများ၊ ပုဂံရာဇ၀င်ပေမူပါ မှတ်တမ်းတင်ချက် များကို လေ့လာရန်လိုပါတယ်။

ထိုမျှမကသေး ကုန်းဘောင်ရာဇ၀င်ပေမူများမှာပါ သရေခေတ္တရာပျူဗရမ္မာမင်းကြီးဒွတ္တဘောင်ကို ကုန်းဘောင်မင်းဆက်မြန်မာများက ဘေးလောင်း
တော်လို့ အဘိုးခေါ် အဘေးခေါ်ပြီး မှတ်တမ်းတင် ထားချက်တွေ၊ ဆင်ဖြူရှင်မင်းလက်ထက်မှာ တရုတ်စစ်ရောက်တော့

“ငါသည် ဘေးလောင်းတော် ပျူမင်းထီးကဲ့သို့ အရေးယူတွန်းလှန်မည်။ တရုတ်တို့သည် တောမှ သစ်ရွက်များကဲ့သို့ မရေမတွက်နိုင်အောင် ချီလာ သည်ဆိုသည်ကို ငါသည် ညီတော်လေးပါးနှင့်အတူ မြစ်ငယ်ကိုဖြတ်ကာ ရွှေကြက်ယက်မှသည် ရွှေတောင်ဦးအထိ ငါကိုယ်တော်စစ်ထိုးမည်“ လို့ ဆင်ဖြူရှင်မင်းကြီးမိန့်ကြားချက်တွေ။

ကုန်းဘောင်မင်းဆက်တည်ထောင်သူအလောင်းမင်းတရားကြီး ဦးအောင်ဇေယျကိုယ်တိုင် မိမိသည် ဗျူ (ပျူ)လူမျိုးဖြစ်ကြောင်း မှတ်တမ်းတင်ချက်တွေ၊

စေတိယကထာရာဇ၀င်ချုပ်ပါ “ဗြဟ္မာလူမျိုး၊ ဗျူလူမျိုး၊ မြန်မာလူမျိုး” လို့အမည်သုံးမျိုးတွင်ကြောင်း မှတ်တမ်း တင်ချက်တွေ၊ ရခိုင်ရာဇ၀င်များပါ ပြည်မမြန်မာ မင်း များကို ပျူလူမျိုးလို့ ခေါ်ဆိုမှတ်တမ်းတင်ချက်တွေကို ပေမူများအထိ လိုက်လံမလေ့လာနိုင်ရင်လည်း ထုတ်နှုတ်တင်ပြခဲ့တဲ့ မြန်မာ့သမိုင်း သုတေသန ပညာရှင်ကြီးများဖြစ်တဲ့ တမ္ပ၀တီဦးဝင်းမောင်၊ ဆရာဦးကျော်ဇင်စတဲ့ ပုဂ္ဂိုလ်ကြီးများရဲ့သုတေ
သနပြု လေ့လာတင်ပြချက်များကို မျက်ကွယ်မပြု သင့်ကြောင်း ရိုးသားစွာထောက်ပြလိုက်ရပါတယ်။