သာသနအလံတီထွင်သူ နှင့် { သာသနအလံအကြောင်း သိမှတ်ဖွယ်ရာများ }

<<<<< သာသနအလံတီထွင်သူ နှင့် >>>>>
{ သာသနအလံအကြောင်း သိမှတ်ဖွယ်ရာများ }
******************************

သာသနာ့အလံ တီထွင်သူ အမှန်
(၁၈၈၅) ခုနှစ်၊ ဧပြီလ(၂၈)ရက်တွင် (သီဟိုဠ်ကျွန်း) သီရိလင်္ကာနိုင်ငံတွင် ကဆုန်လပြည့် (ဗုဒ္ဓနေ့)ကို ခမ်းနားကြီးကျယ်စွာ ကျင်းပရန် အထူးအစီအစဉ်ရှိ နေသည့် ဗုဒ္ဓနေ့ အထိမ်းအမှတ်ပွဲတော်ကြီးနှင့် အခြား ဘာသာရေးပွဲတော်များတွင်ပါ သာသနာ့အလံတော်ကို အမှတ်တရ အဖြစ်လွှင့်ထူရန် စဉ်းစားခဲ့ကြသည်။ ထို့ကြောင့် ဗုဒ္ဓဘာသာဝင်ဖြစ်သော ကိုလံဘို မြို့သူမြို့သားတို့သည် မိရိုးဖလာ ကိုးကွယ်မှုအထိမ်း
အမှတ်အဖြစ် ဗုဒ္ဓအလံတော် တစ်ခုကို တီထွင်ပြုလုပ်ရန်အတွက် ကြိုးပမ်းခဲ့ကြ၏။

ထိုအလံတော်ကို (၁၈၈၅) ခုနှစ်တွင်ပြုလုပ်ခဲ့သော်လည်း ဗုဒ္ဓအလံတော်ကို ကမ္ဘာအရပ်ရပ်က အသိအမှတ် ပြုလာကြသည်မှာ နှစ်ပေါင်း ၁၀၀ ကျော်ခန့်မျှသာ ရှိပေသေးသည်။ ကမ္ဘာ့ဗုဒ္ဓသာသနာ့အလံတော်အဖြစ် (၁၉၅၁) ခုနှစ်သို့ ရောက်သောအခါမှသာ ကမ္ဘာတစ်ဝန်းလုံးတွင်ရှိသော ဗုဒ္ဓဘာသာဝင်နိုင်ငံများမှ လက်ခံလာခြင်းဖြစ်သည်။

တီထွင်သူ အစစ်

(သာသနာ့အလံကို ကနဦး တီထွင်သောသူသည် ဟင်နရီ စတီးလ် အိုကော့ ( Henry Steele Olcott ) ဟု ထင်နေကြပြီး အမှန်တကယ်မှာ စီ ပီ ဂုဏ၀ဍ္ဎန ခေါ် ကာရိုလစ် ပူဂျသ ဂုဏ၀ဍ္ဎန (Carollis Pujitha Gune Wardene) ဖြစ်သည်။)

ဟင်နရီစတီးအိုကော့ ( H.S. Olcott )

ဟင်နရီစတီးအိုးကော့ သည် အမေရိကန်နိုင်ငံသား အငြိမ်းစားဗိုလ်မှူးကြီး တစ်ဦးဖြစ်သည်။ အောလ်ကော့ကို ၁၈၃၂ခုနှစ်၊ ဩဂုတ်လ၂ရက်နေ့တွင် နယူးဂျာစီပြည်နယ်၊ Orange မြို.၌ ပရိုတင့်စတင့်ခရစ်ယန် မိဘနှစ်ပါးမှ မွေးဖွားခဲ့သည်။ အသက်(၂၉) နှစ်တွင် အမေရိကန်ပြည်တွင်းစစ်
အတွင်းတပ်မတော်သို့ဝင်ရောက်အမှုထမ်းခဲ့ပြီးဗိုလ်မှူးကြီးအဖြစ်အငြိမ်းစား ယူခဲ့သည်။
အတွေးအခေါ်သမိုင်းနှင့် နိုင်ငံရေးနယ်ပယ် မှာထင်ရှားသူ ဖြစ်ပြီး သီအိုဆိုဖီပညာများကို လေ့လာလိုက်စား၍ တစ်စတစ်စ ဗုဒ္ဓ၀ါဒများကို လိုက်စားရင်းမှ ဗုဒ္ဓဘာသာဝင်တစ်ဦး ဖြစ်လာခဲ့သူပင်။

၁၈၆၁ခုနှစ် အမေရိကန် ပြည်တွင်းစစ်တွင် ငွေဝယ်ကျွန်စနစ်ကို တိုက်ဖျက်လိုသော တပ်မတော်မှ ပါဝင်တိုက်ခိုက်ခဲ့သည်။ အောလ်ကော့ သီရိလင်္ကာနိုင်ငံတွင် ရောက်ရှိနေစဉ်အချိန်က ဗုဒ္ဓဘာသာနှင့် ခရစ်ယန်ဘာသာတို. စကားရည်လုပွဲကြီး ကျင်းပနေသည့်အချိန် ဖြစ်သည်။ ဗုဒ္ဓဘာသာဘက်မှ အရှင်ဂုဏာနန္ဒဆရာတော်နှင့် ခရစ်ယန်ဘက်မှ ဓမ္မဆရာ များ ၁၈၇၃ခုနှစ်တွင် ပနာဒူရမြို.၌ ယှဉ်ပြိုင်ခြင်းဖြစ်သည်။ အကဲဖြတ်မှတ်တမ်းများအရ အရှင်ဂုဏနန္ဒက အကိုးအကား ခိုင်လုံပြီး အရည်အသွေးသာကြောင်း သိရသည်။ ဤပွဲ ဖြစ်ပွားပြီးနောက် ဗိုလ်မှုးကြီးအောလ်ကော့သည် သီရိလင်္ကာ၊ ဂေါလေ (Galle) ၌ တရားဝင် ဗုဒ္ဓဘာသာအဖြစ် ကြေငြာခဲ့သည်။ ၁၈၉၁ခုနှစ်တွင်မန္တလေးသို.လာရောက်ပြီး
သံဃာတော်များကို လာရောက်ဖူးမြော် သေးသည်။

စီပီဂုဏ၀ဍ္ဎန(C.P. Gune Wardene)

စီပီဂုဏ၀ဍ္ဎန သည် ၁၈၅၄-ခုနှစ်၊ ဖေဖော်ဝါရီလ (၁၆)ရက်နေ့တွင် ဖွားမြင်သူဖြစ်သည်။ ထိုအချိန်ကာလက သီဟိုဠ်တွင် ခရစ်ယာန်သာသနာ လွှမ်းမိုးနေချိန်ဖြစ်သည်။ ထို့ကြောင့် ဗုဒ္ဓဘာသာ ပြန်လည်ထွန်းကားရေး နှင့် ဗုဒ္ဓဘာသာဝင်တို့ ဆုံးရှုံးနေသော အခွင့်အရေးများ ပြန်ရရေးအတွက် “ဗုဒ္ဓသာသနာ ကာကွယ်ရေး ကော်မတီ” ကို ၁၈၈၄-ခုနှစ် ဇန်န၀ါရီ(၂၇)ရက်နေ့ တွင် ထူထောင်ခဲ့သည်။ ထိုအသင်းတွင် ဟင်နရီစတီး
အိုးကော့ က စီပီဂုဏ၀ဍ္ဎန ကို အကျိုးတော်ဆောင် အဖြစ် ခန့်အပ်သည်။ စီပီဂုဏ၀ဍ္ဎန သည် ဗုဒ္ဓသာသနာ ပြန်လည်ထွန်းကားရေးအတွက် နှစ်ပေါင်း (၄၀)ခန့်အင်တိုက်အားတိုက် ဆောင်ရွက်ခဲ့လေသည်။

စီပီဂုဏ၀ဍ္ဎန က “ခရစ်ယာန်ဘာသာဝင်များ အတွက် ကြက်ခြေနီ အထိမ်းအမှတ် ရှိသကဲ့သို့ ကမ္ဘာ့ဗုဒ္ဓ သာသနာဝင် အားလုံး အသုံးပြုနိုင်ရန် အလံတော်ကို ဗုဒ္ဓနှင့် သက်ဆိုင်သည့် ရောင်ခြည်တော် ခြောက်ပါး ပါသော အရောင်တို့ကို အသုံးပြုရန်” အကြံပေး တင်ပြခဲ့သည်။ ၎င်း အကြံပေး တင်ပြသော ဗုဒ္ဓသာသနာ့ အလံကို ၁၈၈၅-ခုနှစ် ကဆုန်လပြည့်(ဗုဒ္ဓနေ့)၌ တင်ရန် ကော်မတီဝင် အားလုံးက လက်ခံခဲ့ကြသည်။ ၎င်းအလံပုံစံကို သရသ၀ိ သန္ဒရေသ ( Sarasavi Sandaresa ) စာစောင်တွင် အချပ်ပိုထည့်၍ ၁၈၈၅-ခုနှစ်၊ ဧပြီလ(၁၇)ရက် တွင် ဖော်ပြခဲ့သည်။ သို့သော် ထိုစဉ်က အလံပုံစံ တီထွင်သူ၏ အမည်ကို မဖော်ပြခဲ့ချေ။ သို့သော် စီပီဂုဏ၀ဍ္ဎန ကွယ်လွန်ပြီးနောက် နှစ်နှစ်အကြာ ၁၉၂၈-ခုနှစ်၊ မေလ(၁)ရက်နေ့ထုတ် သုဒနမိန စာစောင်နှင့် ကိုလံဘို ဗုဒ္ဓသာသနာ သီအိုဆိုဖီ အသင်း ရာပြည့်စာစောင်တွင် ဗုဒ္ဓသာသနာ့ အလံ တီထွင်ရေးဆွဲသူမှာ စီပီဂုဏ၀ဍ္ဎန ဖြစ်ကြောင်း ဖော်ပြခဲ့သည်။

ထို့ပြင် ဟင်နရီစတီးအိုးကော့ ကိုယ်တိုင်ကလည်း သူ၏မှတ်တမ်းဟောင်း စာမျက်နှာ( ၄၆၉ ) ၌ “ဗုဒ္ဓသာသနာ့ အလံ တီထွင်ရေးဆွဲသူမှာ သူမဟုတ်ကြောင်း” ထုတ်ဖော် ၀န်ခံထားခဲ့သည်။ အလံလွှင့်တင်ရာ (ဗုဒ္ဓနေ့)တွင် အိုးကော့မှာ အိန္ဒိယနိုင်ငံသို့ ရောက်နေခဲ့ပြီး ၁၈၈၆-ခုနှစ်၊ ဇန်န၀ါရီလ(၂၈)ရက်တွင် သီဟိုဠ်သို့ ပြန်လည်ရောက်မှ သာသနာ့ အလံကို ဦးစွာ မြင်ဖူးခြင်း ဖြစ်သည်။ သို့သော် အလံမှာ အနည်းငယ် ရှည်လျားနေသဖြင့် အမျိုးသား အလံများကဲ့သို့ အချိုးအစားကျအောင် ဆောင်ရွက်ရန် အကြံပေးခဲ့သည်သာရှိ၏။

မြန်မာနိုင်ငံ နှင့် သာသနာ့အလံ

သာသနာ့အလံတော်ကို သီဟိုဠ် ဂိုဏ်းချုပ် ဆရာတော် အရှင်သီရိ သုမင်္ဂလာထေရ် သည် ၁၉၅၀ ပြည့်နှစ်တွင် သီဟိုဠ်နိုင်ငံလုံးဆိုင်ရာ ဗုဒ္ဓသာသနာ ကွန်ဂရက် အဖွဲ့ကြီး၏ ဥက္ကဌ ဒေါက်တာဂျီပီမာလာ
ဆေထေရ် ၏ ဆန္ဒအရ ကမ္ဘာလုံးဆိုင်ရာ ဗုဒ္ဓသာသနာ ကွန်ဂရက် အစည်းအဝေးကြီးကို ဖိတ်ခေါ်၍ အစည်းအဝေးပြုလုပ် ခဲ့သည်။ မြန်မာနိုင်ငံတွင် (၁၉၅၆) ခုနှစ် ဆဌသင်္ဂါယနာ တင်သည့်နေ့မှစ၍ အထက်ပါ ကမ္ဘာ့ ဗုဒ္ဓသာသနာ့အလံတော် ကို သာသနာ့အလံတော်ကြီး အဖြစ် အောင်မြင်စွာ
အတည်ပြုလွှင့်ထူနိုင်ခဲ့လေသည်။ ၁၉၈၀ပြည့်နှစ်တွင် ကျင်းပသည့် သာသနာတော် သန့်ရှင်းတည်တံ့ပြန့်ပွားရေး ဂိုဏ်းပေါင်းစုံ သံဃအစည်းအဝေးမှလည်း ဗုဒ္ဓသာသနာ့ အလံတော်နှင့် ပတ်သက်၍ အညီအညွတ်ဆုံးဖြတ်ပြီး သံဃနာယက လက်စွဲကျမ်းတွင် ပြဋ္ဌာန်း ခဲ့သည်။

အလံတော် အဓိပ္ပါယ်

သာသနာ့အလံတော်ကြီးသည် ငြိမ်းချမ်းသာယာခြင်း၊ သည်းခံခြင်း၊ စိတ်ထားဖြူစင်ခြင်းတို့၏ အထိမ်းအမှတ် အဖြစ် သရုပ်ဖော်ထားပြီး ဗုဒ္ဓဘာသာဝင်တို့သည် ဘုရားရှင်အားအထူးကြည်ညိုကြသဖြင့် ဘုရားရှင်၏ ရောင်ခြည်တော် ခြောက်သွယ် ကွန့်မြူးကာ တရားတော်များ ဟောကြားနေတော်မူခဲ့သည်ကို ရည်ညွန်းကြခြင်းဖြစ်၏။ ထို့ကြောင့် ရောင်ခြည်တော် ခြောက်သွယ် အရောင်ကို အသုံးပြုရန် ဆုံးဖြတ်ခဲ့ခြင်း
ဖြစ်ပါသည်။

အရွယ်အစား/အရောင်
• အကြီး = အလျား - ၉ပေ x အနံ - ၅ပေ
• အလတ် = အလျား - ၄ပေ ၆လက်မ x အနံ - ၂ပေ ၆လက်မ
• အလတ် = အလျား - ၂ပေ ၃လက်မ x အနံ - ၁ပေ ၃လက်မ
• အသေး = အလျား - ၉လက်မ x အနံ - ၅လက်မ ဟူ၍ လေးမျိုး သတ်မှတ်ထားသည်။

ရောင်ခြည်တော် ခြောက်သွယ် သတ်မှတ်ပြဋ္ဌာန်း ထားသည့်အတိုင်း အလံတော်တိုင်ဘက်မှ စတင်၍ သတ်မှတ်ရသည်ရှိသော်
1. နီလ = အပြာရင့်ရောင်
2. ပီတ = အ၀ါရင့်ရောင်
3. လောဟိတ = အနီရောင်
4. သြဒါတ = အဖြူရောင်
5. မဉ္ဇီဋ္ဌ = ပန်းနုရောင် ထိုအရောင်(၅)မျိုးကို ဒေါင်လိုက်ထားရှိပြီးလျှင်-
6. ပဘဿရ = ပြိုးပြိုးပြက်ပြက် တစ်ခဲနက် ထွက်နေသော အရောင် အဖြစ် အလံတော်၏ အစွန်အဖျား(အထက်)အပေါ်ဘက်မှ နေ၍ အပြာ၊ အ၀ါ၊ အနီ၊ အဖြူ၊ ပန်းနုရောင် တို့ကိုပင် အစဉ်အတိုင်း အောက်ဖက်သို့ ထားရှိချုပ်လုပ်ရမည်။

အသုံးပြုပုံ
မြန်မာနိုင်ငံရှိ နိုင်ငံတော်သံဃ မဟာနာယက အဖွဲ့သည် အလံတော်ကို သံဃနာယက လက်စွဲ၊ အပိုဒ်(၅)၊ အခန်း(၂၉) ၌ သာသနာ့အလံတော် အခန်း အပိုဒ်(၃၅၅)၌ အသုံးပြုရမည့်နေ့ရက်များ သတ်မှတ်ထားသည်မှာ-

(က)အခါကြီး ရက်ကြီးများ
1. ကဆုန်လပြည့် (ဗုဒ္ဓနေ့)
2. နယုန်လပြည့် (မဟာသမယနေ့)
3. ၀ါဆိုလပြည့် (ဓမ္မစကြာနေ့)
4. ၀ါခေါင်လပြည့် (မေတ္တာ အခါတော်နေ့)
5. တော်သလင်းလပြည့် (ဂရုဓမ္မ အခါတော်နေ့)
6. သီတင်းကျွတ်လပြည့် (အဘိဓမ္မာ အခါတော်နေ့)
7. တန်ဆောင်မုန်းလပြည့် (သာမညဖလ အခါတော်နေ့ )
8. တပို့တွဲလပြည့် (သြ၀ါဒ ပါတိမောက် အခါတော်နေ့)

(ခ)ပွဲတော်နှင့် အခမ်းအနားများ
1. ၀ါဆိုပွဲတော် အခမ်းအနား
2. အဘိဓမ္မာအခါတော်နေ့
3. ကထိန်ပွဲတော်
4. ရဟန်းခံရှင်ပြုပွဲ
5. ဆွမ်းကြီးလောင်းလှူပွဲ
6. စာပြန်ပွဲ နှင့် ဘွဲ့နှင်းသဘင်
7. နိကာယစာမေးပွဲ၊ တိပိဋကစာမေးပွဲနှင့် ပူဇော်ပွဲ
8. ခွင့်ပြုချက်ရရှိပြီးသည့် တရားပွဲများ
9. ဘုရားထီးတင်ပွဲ
10. ဗုဒ္ဓပူဇနိယပွဲတော်
11. အသံမစဲ ပဋ္ဌာန်းရွတ်ဖတ် ပူဇော်ပွဲ
12. သံဃာ့အစည်းအဝေး
13. သံဃ၀ိနိစ္ဆယအဖွဲ့ စစ်ဆေး ဆုံးဖြတ်ရာဌာန
14. ဘာသာရေး၊ သာသနာရေးနှင့် စပ်ဆိုင်သော သင်တန်းများတို့ တွင် အသုံးပြုနိုင်သည်။

(ဂ)လွှင့်ထူ အသုံးပြုနည်း၊ အပိုဒ်(၃၅၈) အထိမ်းအမှတ်အလံအားလုံး၏ အလယ်တွင် ဖြစ်စေရမည်။ လက်ယာအစွန်းမှ အရောင်ငါးမျိုး ရောယှက်ရောင်တွင် အပြာရင့်ရောင်သည် အပေါ်တွင်လက်ျာဘက်ရှိနေစေရမည်။ မော်တော်ယာဉ်တွင် စိုက်ထူပါက ကားကြီးများ၏ အမိုးအရှေ့ပိုင်းတွင် ဖြစ်ရမည်။ ကားငယ်များတွင် လက်ယာဘက် အရှေ့ပိုင်းတွင် ဖြစ်ရမည်။ သံဃာများကို ကြိုဆိုသည့်အခါ သံဃာပါလာသည့်အခါတွင်သာ တပ်ဆင်ရမည်ဟူ၍ ဖော်ပြ ထားသကဲ့သို့၊

(ဃ)ရှောင်ကြဉ်ရမည့်အချက်များ၊ အပိုဒ်(၃၉၅)
1. ရဟန်းသံဃာပါသည်ဖြစ်စေ၊ မပါသည်ဖြစ်စေ မည်သည့်ဘုရားဖူးယာဉ်တွင်မှ မသုံးစွဲရ။
2. လမ်းဘေး၊ လမ်းခွ၊ ယာဉ်ဆိပ်၊ သင်္ဘောဆိပ်များတွင် မသုံးရ။

စူးရှသော စိတ်ကူးဥာဏ် ရှိခဲ့သော စီ ပီ ဂုဏ၀ဍ္ဎန( ခေါ် )ကာရိုလစ် ပူဂျသ ဂုဏ၀ဍ္ဎန (Carollis Pujitha Gune Wardene) အား ဗုဒ္ဓဘာသာဝင်အားလုံးတို့၏ ကိုယ်စား လေးစားသမှု့ ပြုအပ်ပါသည်။
အရှင်စန္ဒောဘာသ(ရွှေဘို)ရေးသားသော `သာသနာ့အလံတော်´ စာအုပ်နှင့် ဒီဝက်ဆိုက် (http://www.buddhistchannel.tv/index.php?id=43,4030,0,0,1,0) မှ
ကူးယူဖော်ပြရေးသားပါသည်။

ပျူ​ခေတ်​ ဗုဒ္ဓရုပ်​ပွား​တော်​ တူး​ဖော်​​တွေ့ရှိ

ရှေး/သု ဒုညွှန်ကြားရေးမှူးဦးသိန်းလွင် တင်ပြခဲ့တဲ့
ဗိဿနီုးမြို့ဟောင်းတူးဖော်ရေးကုန်း အမှတ် ၁၃ မှာ
တွေ့ရှိခဲ့တဲ့ ဗုဒ္ဓရုပ်ပွားတော်ဖြစ်ပါတယ်။

ပညာရှင်အများလေ့လာနိုင်ရန် ရှေး/သုကတင်ပြ
ခဲ့ပြီးတော့ နောက်တွေ့ပျူယဉ်ကျေးမှုပစ္စည်းများလို့
ခေါင်းစဉ်တပ်ထားပါတယ်။

၂၀၁၃ ခုနှစ်၊ ဇွန်လ၊ ၁၁ ရက်နေ့မှာ ကြေးခေါင်းလောင်း
တစ်လုံး၊ ကြေးဆီမီးခွက် လေးခုနဲ့အတူ ကုန်းအမှတ် ၁၃၊
မြေအနက် ၂ပေ၊ ၂ လက်မကနေ တူးဖော်တွေ့ရှိခဲ့ခြင်း
ဖြစ်ပြီးတော့ ဗိဿနိုးမြို့ဟောင်းအတွင်းက ပထမဦးဆုံး
တွေ့ရှိရတဲ့ ဗုဒ္ဓဆင်းတုတော်ဖြစ်ပါတယ်။

ကြေးဆင်းတုရဲ့ ထိုင်တော်မူဟန်ဟာ ပရလမ္ဘနသနဟန်
ဖြစ်ပြီးတော့ ၀ိတက္ကမုဒြာဟန်ဖြစ်ပါတယ်။ ပျူခေတ်ဗုဒ္ဓရုပ်
ပွားတော်တွေထဲက ထင်ရှားတဲ့မုဒြာဟန်ဖြစ်ပါတယ်။

ဗိဿနိုးမြို့ဟောင်းမှာ ယခင်ကတည်းက ဆယ်ခန်းတွဲ
ဘုန်းကြီးကျောင်းရာ၊ သံဃာ့သီရိတံဆိပ်တုံး၊ စေတီ၊
ရေကန် စတဲ့ ထေရ၀ါဒဗုဒ္ဓဘာသာအထောက်အထားများ
အများကြီးတွေ့ရှိခဲ့ပြီးဖြစ်သလို ဆက်လက်တူးဖော်တွေ့
ရှိဆဲလဲဖြစ်ပါတယ်။

တစ်ချို့တွေက စာအဟောင်းတွေကိုင်ဆွဲပြီးတော့ ဗိဿနီုး
မြို့ဟောင်းကြီးကို ဟိန္ဒူမြို့ဟောင်းဖြစ်သယောင် ပြောဆို
နေကြဆဲတွေ့နေရလို့ပါ။ သုတေသနမစုံခင်က မှန်းဆ
ပြောဆိုကြတာထက် လက်တွေ့သုတေသနအထောက်
အထားတွေက ဘာတွေညွှန်းဆိုပြသနေလဲဆိုတာကို
လေ့လာပြီးမှ ကောက်ချက်ချတာပိုသင့်တော်မယ်
ထင်ပါတယ်။

မိတ်ဆွေအများ လေ့လာရင်းနဲ့ အသိပညာတိုးတက်
ကြပါစေ။

ခေတ်ပြိုင်အထောက်အထားတို့က ပြောသော မြန်မာ့သမိုင်း (၁)

ခေတ်ပြိုင်အထောက်အထားတို့က ပြောသော မြန်မာ့သမိုင်း (၁)
====================================
စာတမ်းဖတ်ပွဲတစ်ချို့မှာရော၊ ပုဂ္ဂိုလ်တစ်ဦးချင်း တွေ့ဆုံချိန်မှာရော
ယဉ်ကျေးမှုဝန်ကြီးဌာန ၀န်ကြီးဦးအေးမြင့်ကြူ ပြောနေကျစကားလေး
တွေကို ပြန်သတိရမိပါတယ်။ ဒါကြောင့် ၀န်ကြီးပြောတဲ့စကားလေးနဲ့ပဲ
ဒီဆောင်းပါးကို ကျွန်တော်အစပျိုးလိုက်တယ်။

“ဆရာတို့ရယ် ကျွန်တော်က သမိုင်းအကြောင်းသိပ်မသိပါဘူး။ ဒီဌာနကို
ရောက်တော့ ကျွန်တော်မသိတာတွေအများကြီးမို့ အတော်လေးကို
လေ့လာရပါတယ်။ ဒီလိုလေ့လာကြည့်တဲ့အခါ မြန်မာ့သမိုင်းတင်ခေတ်လို့
သတ်မှတ်ထားကြတဲ့ အေဒီ ၁၁ ရာစု(အနော်ရထာခေတ်) ကနေစပြီးတော့
အကြောင်းအရာအချက်အလက်တွေ၊ မှတ်တမ်းတင်ထားတာတွေ တွေ့ရ
ပါတယ်။ ဒါပေမယ့် အေဒီ ၁၁ ရာစုမတိုင်ခင် အကြောင်းအရာတွေက
မှတ်တမ်းတင်ချက်အားအလွန်နည်းတော့ ကျွန်တော်တို့မြန်မာ့သမိုင်းဟာ
အေဒီ ၁၁ ရာစုမတိုင်ခင်မှာ အမှောင်ခေတ်ကြီးရောက်သလို ဖြစ်နေတယ်လို့
ခံစားမိတယ်။ ဒီမတိုင်ခင် အကြောင်းအရာတွေကို ရှာဖွေဖော်ထုတ်ပြီးတော့
မြန်မာ့သမိုင်းကို ပြည့်ပြည့်စုံစုံဖြစ်အောင် အားထုတ်ပေးကြဖို့ ဆရာတို့ကိုပဲ
အားကိုးရမှာပါ”

အဲ့ဒီလို မသိတာကို မသိဘူးလို့ ပွင့်ပွင့်လင်းလင်း ရိုးရိုးသားသားနဲ့
ဝန်ခံရဲတဲ့ ၀န်ကြီးဦးအေးမြင့်ကြူကို လေးစားမိပါတယ်။ တစ်ဆက်တည်းမှာပဲ
သူ့အပြော၊ သူ့အတွေး၊ သူ့မေးခွန်းတွေကို လေ့လာဆန်းစစ်ကြည့်မိတယ်။
ဝန်ကြီးပြောသလိုပဲ လူအတော်များများက ဒီလိုထင်မြင်သုံးသပ်နေကြတာ
ကိုလဲ တွေ့နေရတယ်။

ကျွန်တော်တို့မြန်မာ့သမိုင်းဟာေ၀၀ါးခဲ့ပါသလား? ဆိုရင် ..........
မေ၀၀ါးခဲ့ပါဘူး။ ကမ္ဘာဦး လူသားနေထိုင်မှု အထောက်အထားတွေ၊
ကျောက်ခေတ်ဦး၊ ကျောက်ခေတ်လယ်၊ ကျောက်ချောခေတ်၊
ကြေးခေတ်၊ သံခေတ်၊ မြို့ပြခေတ် ဆိုတဲ့ ခေတ်အဆက်ဆက်
လူသားနေထိုင်မှုသမိုင်းအထောက်အထားတွေ မြောက်များစွာ
ရှိနေပါတယ်။ တူးဖော်သုတေသနပြုပြီးခဲ့တာတွေ ရှိသလို
တူးဖော်နေဆဲနေရာတွေ၊ တူးဖော်ရမယ့်နေရာတွေလဲ မြောက်များစွာ
ကျန်ရှိနေဆဲဖြစ်ပါတယ်။

တူးဖော်လေ့လာပြီးတဲ့နောက်မှာ တွေ့ရှိရတဲ့အထောက်အထားအပေါ်
သစ္စာရှိဖို့၊ အထောက်အထားက ပြောတဲ့အတိုင်း မှန်ကန်စွာကောက်ချက်
ချနိုင်ဖို့၊ သမိုင်းကြောင်းရေးသားမှတ်တမ်းတင်ရာမှာ ချစ်ခြင်း/မုန်းခြင်း
ကင်းကင်းနဲ့ မိမိအတ္တကိုရှေ့တန်းမတင်ဘဲ မှန်တာကိုပြောဖို့/ရေးဖို့၊
မိမိတို့လေ့လာကောက်ချက်ချမှုများဟာ အထောက်အထားပေါ်မှာသာ
အမှီပြုအားထားဖို့ လိုနေတာဖြစ်ပါတယ်။

ပွင့်ပွင့်လင်းလင်းပြောရရင် ယဉ်ကျေးမှုဝန်ကြီးဌာနတွင်းမှာ
ဒီလိုရေးတတ်-ပြောတတ်တဲ့ ပုဂ္ဂိုလ်မျိုး ရှိသလားဆိုရင် မရှိသလောက်
နည်းလို့ မြန်မာ့သမိုင်းေ၀၀ါးသယောင်ဖြစ်နေတာပဲ ဖြစ်ပါတယ်။ မြန်မာ့
သမိုင်းေ၀၀ါးအောင် သူတို့လုပ်နေကြတယ်။ မြန်မာ့သမိုင်းကို နှစ်ထောင်
ပေါင်းများစွာ ပိုင်းဖြတ်ပြီးတော့ အထောက်အထားပေါ်သစ္စာမရှိဘဲ
အထာက်အထားမဲ့ လိုရာဆွဲတွေးပြီး လိုသလိုရေးနေကြတယ်။
သမိုင်းပညာကို မသိသောသူများ၊ နှံစပ်အောင်လေ့လာခြင်းမရှိသူများ၊
လေ့လာဖို့ ပျင်းသူများ အစရှိတဲ့ ထိုထိုသောပုဂ္ဂိုလ်များရေးသော
မြန်မာ့သမိုင်းသည် မည်သို့ တိကျသေချာနိုင်ပါသနည်း။ေ၀၀ါးမြဲ
ေ၀၀ါနေဦးမှာ ဖြစ်ပါတယ်။

ထိုသူတို့ပြောဆိုသလို မြန်မာ့သမိုင်းတင်ခေတ်သည် အေဒီ ၁၁ရာစုမှ
စတင်ပါသလား (သို့မဟုတ်) ခေတ်ကာလအလိုက် မှတ်တမ်းတင်ချက်များ
ရှိနေပါသလား (သို့မဟုတ်) သမိုင်းမှတ်တမ်းတင်ရန် မြေပေါ်မြေအောက်
ခေတ်ပြိုင်အထောက်အထားများ ရှိနေပါသလား? မေးခွန်းတွေကို ဖြေဆိုဖို့
လိုအပ်လာပြီဖြစ်ပါတယ်။

မြန်မာနိုင်ငံ၏ ကျောက်ခေတ်ကာလ
====================
လွန်ခဲ့သောနှစ်ပေါင်းများစွာက ကမ္ဘာ့မြောက်ဘက်ခြမ်းတွင်
ရေခဲခေတ် (Glacial Period) ဖြစ်ထွန်းနေစဉ် ကမ္ဘာ့တောင်ဘက်
ပိုင်း၌ မိုးသန်းထန်စွာ ရွာသွန်းနေခဲ့သည်ဟု ပညာရှင်များက လေ့
လာဖော်ထုတ်ခဲ့ကြသည်။

ပထမမိုးစွေကာလသည် နှစ်ပေါင်း ၆၅၀၀၀၀ နှင့် ၆၀၀၀၀၀ ကြား
ဖြစ်ပေါ်ခဲ့ပြီး ပထမ မိုးစဲကာလ ရောက်ရှိခဲ့သည်။ ထို့နောက် မိုးသည်း
ထန်စွာရွာသွန်းခဲ့ပြီး ဒုတိယမိုးစွေကာလမှာ လွန်ခဲ့သောနှစ်ပေါင်း
၅၅၀၀၀၀ မှ ၃၃၀၀၀၀ ကြားဖြစ်ခဲ့ပြီး ဒုတိယမိုးစဲကာလမှာ နှစ်ပေါင်း
၃၃၀၀၀၀ မှ ၂၅၀၀၀၀ ကြားပေါ်ပေါက်ခဲ့သည်။

တတိယမိုးစွေကာလမှာ လွန်ခဲ့သောနှစ်ပေါင်း ၂၅၀၀၀၀ မှ ၁၂၅၀၀၀
ကြားဖြစ်ခဲ့ပြီး တတိယမိုးစဲကာလမှာ လွန်ခဲ့သောနှစ်ပေါင်း ၁၂၅၀၀၀ မှ
၇၅၀၀၀ အကြားဖြစ်ပေါ်ခဲ့သည်။

စတုတ္ထမိုးစွေကာလသည် လွန်ခဲ့သောနှစ်ပေါင်း ၇၅၀၀၀ မှ ၁၀၀၀၀ ကြား
ဖြစ်ပေါ်ခဲ့သည်ဟု ဆိုကြသည်။

မြန်မာနိုင်ငံတွင် လေ့လာတွေ့ရှိရသော ရှေးဦးအညာသားယဉ်ကျေးမှုသည်
ဒုတိယမိုးစွေကာလမှ တတိယ မိုးစဲကာလအကြား လွန်ခဲ့သောနှစ်ပေါင်း
၅၅၀၀၀၀ ခန့်မှ ၁၂၅၀၀၀ အကြား ဖြစ်ပေါ်ထွန်းကားခဲ့ပြီး ခေတ်နှောင်း
အညာသားယဉ်ကျေးမှုမှာ တတိယမိုးစဲကာလနှင့် စတုတ္ထမိုးစွေကာလအကြား
လွန်ခဲ့သောနှစ်ပေါင်း ၇၅၀၀၀ နှင့် ၁၀၀၀၀ အတွင်း ဖြစ်ထွန်းပေါ်ပေါက်ခဲ့
ကြောင်း လေ့လာတွေ့ရှိခဲ့ကြသည်။

ဧရာဝတီမြစ်ဝှမ်း ကျောက်ခေတ်ဦးအညာသား ယဉ်ကျေးမှုဖြစ်စဉ်ကို
လွန်ခဲ့သောနှစ်ပေါင်း (၇၅၀၀၀၀ မှ ၂၅၀၀၀) ၊ မူးမြစ်ဝှမ်းရှိ အနှောင်းပိုင်း
အညာသားယဉ်ကျေးမှုဖြစ်စဉ်ကို လွန်ခဲ့သောနှစ်ပေါင်း (၃၀၀၀၀ မှ
၂၀၀၀၀) ၊ ပြဒါးလင်းဂူရှိ အနှောင်းပိုင်း အညာသားယဉ်ကျေးမှုဖြစ်စဉ်ကို
နှစ်ပေါင်း (၁၂၀၀၀ မှ ၆၀၀၀) ၊ ထောက်မကုန်း - မိုးကြိုးပြင်ရှိ ကျောက်ခေတ်
သစ်အညာသားယဉ်ကျေးမှုဖြစ်စဉ်ကို ဘီစီ (၅၀၀)ခန့်အတွင်း တည်ရှိခဲ့သည်
ဟု စဉ်ဆက်မပြတ် တူးဖော်တွေ့ရှိခဲ့ကြသည်။

ကမ္ဘာ့သုတေသနပညာရှင်ကြီးများက မြန်မာနိုင်ငံ၏ လူသားသမိုင်းနှင့်
ပက်သက်၍ ကွင်းဆင်းလေ့လာခဲ့ကြရာတွင် -

(၁) ပရိုင်းမိတ်ခေတ်
(၂) ကျောက်ကြမ်းခေတ် (အညာသားကျောက်ခေတ်ဦး)
(၃) ကျောက်ခေတ်လယ် (အညာသားကျောက်ခေတ်လယ်)
(၄) ကျောက်ချောခေတ် (ကျောက်ခေတ်သစ်)
(၅) ကြေးခေတ်
(၆) သံခေတ်
ဟူ၍ လူသားနေထိုင်မှုသမိုင်းကို ရှာဖွေတွေ့ရှိထားပြီ ဖြစ်သည်။

၁၉၁၄ ခုနှစ်မှ ၂၀၀၂ အတွင်း မြန်မာနိုင်ငံ ရှေးဟောင်းသုတေသနဌာန
(ရှေး/သု)နှင့် ပြင်သစ်၊ ဂျပန် သုတေသနပညာရှင်ကြီးများ ပူးပေါင်းလေ့
လာမှုအရ - ပုံဆောင်တောင်တန်းဒေသရှိ -

(၁) မြိုင်မြို့နယ်၊ ပေါက်ကျစ်ချောင်
(၂) မြိုင်မြို့နယ်၊ ဗယင်းရွာ
(၃) ပုလဲမြို့နယ်၊ မိုးကောင်းရွာ များသည် ပရိုင်းမိတ်ခေတ် သက်သေ
အဖြစ်လည်းကောင်း ခိုင်မာစွာတွေ့ရှိမှတ်တမ်းတင်ပြီးနောက် -

၁၉၃၈ ခုနှစ်တွင် အမေရိကန်သုတေသနပညာရှင်အဖွဲ့မှ မြန်မာနိုင်ငံ
အလယ်ပိုင်းဒေသများရှိ ကျောက်ခေတ်ဟောင်းယဉ်ကျေးမှုကို လေ့လာ
ဖော်ထုတ်မှတ်တမ်းတင်ခဲ့ကြပြီး ၎င်းယဉ်ကျေးမှုကို အညာသားယဉ်
ကျေးမှု (Anyathian Culture) ဟု သတ်မှတ်ခေါ်ဆိုခဲ့ကြသည်။

ထိုကျောက်ခေတ်ဟောင်းလက်နက်ကိရိယာများ တွေ့ရှိခဲ့ရာ နယ်မြေ
များမှာ -

(၁) မကွေးငချင်းအောင်ဘကုန်း
(၂) ချောက်
(၃) ရေနံချောင်း
(၄) စလေ
(၅) ညောင်ဦး
(၆) ၀ါးတောချောင်း
(၇) မင်းဘူး
(၈) ဆီးချိုပင်
(၉) ပုဂံ
(၁၀) ပခုက္ကူ
(၁၁) မကွေးမြသလွန်ဘုရားအရှေ့ဘက်
(၁၂) စဥ့်ကူး
(၁၃) ပေါက်
(၁၄) မင်းကွန်း
(၁၅) မန္တလေးဝန်းကျင် ဒေသများ -

စသည်ဖြင့် မြန်မာနိုင်ငံတစ်ဝှမ်းတွင် အခြေချနေထိုင်ခဲ့သည့် ခေတ်ဦးလူ
သားတို့၏ သမိုင်းကြောင်းကို ဖော်ထုတ်မှတ်တမ်းတင်နိုင်ခဲ့သည်။
.................................................................................
(ဆက်လက်ဖော်ပြပါမည်)